Purpurae usum Romae semper fuisse video, sed Romulo in trabea. nam toga praetexta et latiore clavo Tullum Hostilium e regibus primum usum Etruscis devictis satis constat.
[1] Nepos Cornelius, qui Divi Augusti principatu obiit[2] : Me, inquit, iuvene violacea purpura vigebat , cuius libra denariis centum venibat[3] , nec multo post rubra Tarentina. huic successit dibapha[4] Tyria [5], quae in libras denariis mille non poterat emi. hac P. Lentulus Spinther aedilis curulis primus in praetexta usus inprobabatur[6]. qua purpura quis non iam, inquit, tricliniaria[7] facit? Spinther aedilis fuit urbis conditae[8] anno[9] DCXCI[10] Cicerone consule. dibapha[11] tune dicebatur quae bis tincta[12] esset, veluti magnifico inpendio, qualiter nunc omnes paene commodiores purpurae tinguuntur .