[1] Navigantes quoque sentiunt non dubia coniectura, sine flatu intumescente fluctu subito aut quatiente ictu[2]. intremunt[3] vero et in navibus postes[4] aeque quam in aedificiis crepituque praenuntiant[5]. quin et volucres non inpavidae sedent[6]. est et in caelo signum praeceditque motu futuro aut interdiu aut paulo post occasum sereno tenuis ceu[7] lineae[8] nube[9] in longum[10] porrecta[11] spatium.