[1] Quod sit homini spatium a vestigio ad verticem, id esse pansis[2] manibus inter longissimos digitos observatum est, sicuti vires[3] dextra[4] parte maiores, quibusdam aequas[5] utraque, aliquis[6] laeva manu praecipuas, nec id umquam in feminis; mares praestare pondere et defuncta viventibus corpora omnium animalium et dormientia vigilantibus; virorum cadavera supina fluitare, feminarum prona, velut pudori defunctarum parcente natura.