Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Book 1
Book 2
Book 3
Book 4
Book 5
Book 6
Book 7
Book 8
Book 9
Book 10
Book 11
Book 12
Book 13
Book 14
Book 15
Book 16
M. Tullius Cicero · Epistulae ad Atticum

Book 16, Letter 13

Text kindly provided by Perseus

Scr. Aquini iv Id. Nov. a. 710 (44).
CICERO ATTICO salutem

o casum mirificum! v Idus cum ante lucem de Sinuessano surrexissem venissemque diluculo ad pontem Tirenum qui est Menturnis, in quo flexus est ad iter Arpinas, obviam mihi fit tabellarius, qui me offendit “δολιχὸν πλόον ὁρμαίνοντα.” At ego statim “ Cedo ” inquam “ Si quid ab Attico.” Nondum legere poteramus; nam et lumina dimiseramus nec satis lucebat. Cum autem luceret, ante scripta epistula ex duabus tuis prior mihi legi coepta est. Illa omnium quidem elegantissima. Ne sim salvus si aliter scribo ac sentio. Nihil legi humanius. Itaque veniam quo vocas, modo adiutore te. Sed nihil tam ἀπροσδιόνυσον mihi primo videbatur quam ad eas litteras quibus ego a te consilium petieram te mihi ista rescribere.

Ecce tibi altera qua hortaris “παρ’ ἠνεμόεντα Μίμαντα, νήσου ἐπὶ Ψυρίης,” Appiam scilicet “ἐπ’ ἀριστέρ’ ἔχοντα.” Itaque eo die mansi Aquini. Longulum sane iter et via mala. Inde postridie mane proficiscens has litteras dedi.

[gap] et quidem, ut a me dimitterem invitissimus fecerunt Erotis litterae. Rem tibi Tiro narrabit. Tu quid faciendum sit videbis. Praeterea possimne propius accedere (malo enim esse in Tusculano aut uspiam in suburbano) an etiam longius discedendum putes crebro ad me velim scribas. Erit autem cotidie cui des.

Quod praeterea consulis, quid tibi censeam faciundum difficile est cum absim. Verum tamen si pares aeque inter se, quiescendum, sin, latius manabit et quidem ad nos; deinde communiter.

Reader settings

Side Panel

Text SizeRelative to your text size
85%

Textual Aids

Touch Navigation