Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Apicius · De Re Coquinaria

Book 9

Text kindly provided by Perseus

IX.

Ius in locusta et cappari :indura cepam pallachanam concisam et ius: piper, ligisticum, careum, ciminum, cariotam, mel, acetum, vinum, liquamen, oleum, defrictum. ocius adicito senape in elixuris.

Locustas assas sic facies: aperiuntur locustae, ut assolet, cum testa sua et infunditur eis piperatum, coriandratum et sic in craticula assantur. cum siccaverint, adicies eis in craticula quotiens siccaverint quousque assantur.

locusta elixa cum ciminato bene inferes: piper, ligisticum, petrosilinum, mentam siccam, ciminum plusculum, mel, acetum, liquamen, si voles, folium et malabatrum addes.

Aliter locusta: isicia de cauda eius sic facies: folliclum [nocivam uvam] prius demes et elixas deinde pulpam, concides, cum liquamine, pipere et ovis isicia formabis.

In locusta elixa: piper, ciminum, rutam, mel, acetum, liquamen et oleum.

Aliter in locusta: piper, ligisticum, ciminum, mentam, rutam, nucleos, mel, acetum, liquamen et vinum.

In torpedine: teritur piper, ruta, cepulla arida, mel, liquamen, passum, vinum modicum, olei boni guttas. cum bullire coeperit, amolo obligas.

In torpedine elixa: piper, ligisticum, petrosilinum, mentam, origanum, ovi medium, mel, liquamen, passum, vinum, oleum, si voles, addes senape, acetum, si callicum volueris, uvam passam addes.

In lolligine in patina: teres piper, rutam, mel modicum, liquamen, caroenum, olei guttas. In lolligine farsile: piper, ligisticum, coriandrum, api semen, ovi vitellum, mel, acetum, liquamen, vinum et oleum. obligabis.

In sepia farsile: piper, ligisticum, api semen, careum, mel, liquamen, vinum, condimenta cortina. calefacies et sic. aperies sepiam et perfundes.

Sic facies eam sepiam coctam: cerebella elixa enervata teres cum pipere, cui conmisces ova cruda quod satis erit, piper integrum, isicia minuta et sic consumes et in bullientem ollam mittes ita ut coire inpensa possit.

Sepias elixas ab aheno in frigidam missas cum pipere, lasare, liquamine, nucleis. ova. et condies ut voles.

Aliter sepias: piper, ligisticum, ciminum, coriandrum viride, mentam aridam, ovi vitellum, mel, liquamen, vinum, acetum et oleum. et ubi bullierit, amolo obligas.

In polipo: pipere, liquamine, lasare. inferes.

In hostreis: piper, ligisticum, ovi vitellum, acetum, liquamen, oleum et vinum. si volueris, et mel addes.

In omne genus conciliorum: piper, ligisticum, petrosilinum, mentam siccam, ciminum plusculum, mel, liquamen, si voles, folium et malabatrum.

In echino: accipies pultarium novum, oleum modicum, liquamen, vinum dulce, piper minutum. facies ut ferveat, cum fervuerit, in singulos echinos mittes, agitabis, ter bulliat. cum coxeris, piper aspargis et inferes.

Aliter in echino: piper, costum modicum, mentam siccam, mulsum, liquamine, spicam indicam et folium.

Aliter in echino: colum mittes, in aqua calida coques. levas, in patella conpones, addes folium, piper, mel, liquamen, olei modicum, ova et sic obligabis, in termospodio coques, piper aspargis et inferes.

In echino salso: echinum salsum cum liquamine optimo, caroeno, pipere, temperabis et appones.

Aliter: echinos salis, liquamen optimum admisces et quasi recentes omnes putabunt, ita ut a balneo sumi possint.

In mitulis: liquamen, porrum concisum, ciminum, passum, satureiam, vinum, mixtum faeics aquatius et ibi mitulos coques.

In sardis. sardem farsilem sic facere oportet: sarda exossatur. attoritur puleium, ciminum. piperis grana, mentam, nuces, mel. inpletur et consuitur, involvitur in carta et sic supra vaporem ignis in operculo conponitur. conditur ex oleo, caroeno, allece.

Sarda ita fit: coquitur sarda et exossatur. teritur piper ex ligistico, timo, origano, ruta, cariotam, melle et in vasculo ovis concisis ornatur inpensa. vinum modicum, acetum, defrictum et oleum viride.

Ius in sarda: piper, origanum, cepam, aceti modicum et oleum.

Ius in sarda: piper, ligisticum, mentam aridam, cepam, coctum mel, acetum, oleum. perfundes, asparges ovis duris concisis.

Ius in [cordula] sarda: piper, ligisticum, api semen, mentam, rutam, cariotam, mel, acetum, vinum et oleum.

Convenit et in sarda ius quod in mugile.

Ius in mugile salso: piper, ligisticum, ciminum, cepa, ruta, calva, cariota, mel, acetum, senape et oleum.

Aliter ius in mugile salso: piper, origanum, eruca, menta, ruta, calva, cariota, mel, oleum, acetum et senape.

Ius in siluro: in pelamide et in tinno salsis: piper, ligisticum, ciminum, cepam, mentam, rutam, calvam, cariotam, mel, acetum, senape, oleum.

Ius in mullo tarico: piper, rutam, cepam, dactilum, senape, trito conmisces echino et oleo et sic perfundes piscem frictum vel assatum.

Salsum sine salso: iocur coques, teres et mittes piperatum liquamen aut salem, addes oleum, iocur leporis aut aedi aut agni aut pulli et si volueris, in formella piscem formabis. oleum viride supra adicies.

Aliter vice salsi: ciminum, piper, liquamen teres et passi modicum vel caroeni et nuces tritas plurimas misces et simul conteres et salsario defundes, oleum modice superstillabis et inferes.

Aliter salsum sine salso: ciminum tantum quantum quinque digitis tollis, piper ad dimidium eius et uvam, spicam alei purgatam teres, liquamen superfundes, oleum modice superstillabis. hoc aegrum stomachum valde reficit et digestionem facit.

Embractum baianum: hostreas minutas, sfondilos, urticas in caccabum mittes, nucleos tostos concisos, rutam, apium, piper, coriandrum, ciminum, passum, liquamen, cariotum, oleum. Incipit Apici Caeli alieus libatus.

Reader settings

Side Panel

Text SizeRelative to your text size
85%

Textual Aids

Touch Navigation