Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Apicius · De Re Coquinaria

Book 8

Text kindly provided by Perseus

VIII.

Aper ita conditur: spongizatur et sic aspargitur ei sal et ciminum frictum et sic manet. alio die mittitur in furnum. cum coctus fuerit, perfunditur: [condimentum aprunum] piper tritum, mel, liquamen, caroenum et passum.

Aliter in apro: aqua marina cum ramulis lauri aprum elixas quousque madescat. corium ei tolles. eum sale, senapi, aceto inferes.

Aliter in apro: teres piper, ligisticum, origanum, bacas mirti extemparatas, coriandrum, cepas, suffundes mel, vinum, liquamen, oleum modicum. calefacies, amolo obligas. aprum in furno coctum perfundes. hoc et in omne genus carnis ferinae facies.

In aprum assum iura ferventia facies sic: piper, ciminum frictum, api semen, mentam, timum, satureiam, cneci flores, nucleos tostos vel amigdala tosta, mel, vinum, liquaminis acetabulum, oleum modicum.

Aliter in aprum assum iura ferventia: piper ligisticum, api semen, mentam, timum, nucleos tostos, vinum, acetum, liquamen et oleum modicum. cum ius simplex bullierit, tunc triturae globum mittis et agitas cepa et rutae fasciculo. si volueris pinguius facere, obliga si vis albo ovorum liquido. moves paulatim. aspargis piper tritum et inferes.

Ius in aprum elixum: piper, ligisticum, ciminum, sili, origanum, nucleos, cariotam, senape, acetum, liquamen et oleum.

Ius frigidum in aprum elixum: piper, careum, ligisticum, coriandri semen frictum, aneti semen, api semen, timum, origanum, cepullam, mel, acetum, senape, liquamen, oleum.

Aliter ius frigidum in aprum elixum: piper, ligisticum, ciminum, aneti semen et timum, origanum, sili modicum, erucae semen plusculum, suffundes merum, condimenta viridia, modico cepam, pontica vel amigdala fricta, dactilum, mel, acetum, merum modicum, coloras defricto, liquamen, oleum.

Ius aliter in apro: teres piper, ligisticum, origanum, api semen, lasaris radicem, ciminum, feniculi semen, rutam, liquamen, vinum, passum. facies ut ferveat. cum fervuerit, amolo obligas. aprum intro foras et inferes.

Perna apruna ita inpletur terentina: per articulum pernae palum mittis ita ut cutem a carne separes, ut possit condimentum accipere per cornulum et universa inpleatur. teres piper, bacam lauri, rutam, si volueris lasar adicies, liquamen optimum, caroenum et olei viridis guttas.

Cum inpleta fuerit, constringitur illa pars qua inpleta est ex lino et mittitur in zemam. et elixatur in aquam marinam cum lauri turionibus et aneto.

Ius in cervo: teres piper, ligisticum, careum, origanum, api semen, lasaris radicem, feniculi semen, fricabis, suffundes liquamen, vinum, passum, oleum modicum. cum fervuerit, amolo obligas. cervum coctum intro foras tanges et inferes.

In platonem similiter et in omne genus venationis eadem conditura uteris.

Aliter cervum elixabis et subassabis. teres piper, ligisticum, careum, api semen, suffundes mel, acetum, liquamen, oleum. calefactum amolo obligas et carnem perfundes.

Ius in cervo: piper, ligisticum, cepullam, origanum, nucleos, cariotas, mel, liquamen, senape, acetum, oleum.

Cervinae conditura: piper, ciminum, condimentum, [petrosilinum], cepam, rutam, mentam, mel, liquamen, passum, caroenum et oleum modicum. amolo obligas cum iam bullit.

Iura ferventia in cervo: piper, ligisticum, petrosilinum, ciminum, suffundes, nucleos tostos aut amigdala, mel, acetum, vinum, oleum modicum, liquamen et agitabis embambam.

In cervinam assam: piper, nardostatium, folium, api semen, cepam aridam, rutam viridem, mel, acetum, liquamen, adiectum cariotae, uvam passam et oleum.

Aliter in cervum assum iura ferventia: piper, ligisticum, petrosilinum, damascena macerata, vinum, mel, acetum, liquamen, oleum modicum. agitabis porro et satureia.

Ius in caprea: piper, ligisticum, careum, ciminum, petrosilinum, rutae semen, mel, senape, acetum, liquamen et oleum

Ius in caprea assa: piper, condimentum, rutam, cepam, mel, liquamen, passum, oleum modicum, amolum cum iam bullit.

Aliter ius in caprea: piper, condimentum, [petrosilinum] origanum modicum, rutam, liquamen, mel, passum et olei modicum, amolo obligabis.

Ius in ovifero fervens: piper, ligisticum, ciminum, mentam siccam, timum, silfi, suffundes vino, adicies damascena macerata, mel, vinum, liquamen, acetum, passum ad colorem, oleum, agitabis fasciculo origani et mentae siccae.

Ius in venationibus omnibus elixis et assis: piperis scripulos VIII. rutam, ligisticum, api semen, iuniperum, timum, mentam aridam, scripulos senos, puleii scripulos III. haec omnia ad levissimum pulverem rediges et in uno conmisces et teres. adicies in vasculum, melle quod satis est. et his uteris cum oxigaro.

Ius frigidum in ovifero: piper, ligisticum, timum, ciminum frictum, nucleos tostos, mel; acetum, liquamen et oleum. piper aspargis.

Vitulina fricta: piper, ligisticum, api semen, ciminum, origanum, cepam siccam, uvam passam, mel, acetum, vinum, liquamen, oleum, defrictum.

Vitulinam sive bubulam cum porris, sitaneis [vel] cepis vel colocasiis, liquamen, piper, lasar et olei modicum.

In vitulinam elixam: teres piper, ligisticum, careum, api semen, suffundes mel, acetum, liquamen, oleum. calefacies, amolo obligas et carnem perfundes.

Aliter in vitulina elixa: piper, ligisticum, feniculi semen, origanum, nucleos, cariotam, mel, acetum, liquamen, senape et oleo.

Copadia aedina sive agnina: pipere et liquamine coques, sum faseolis faratariis, liquamine, pipere, lasare, cum imbracto bucellas panis et oleo modico.

Aliter aedinam sive agninam excaldatam: mittes in caccabum copadia. cepam, coriandrum minutim succides. teres piper; ligisticum, ciminum, liquamen, oleum, vinum. coques. exinanies in patina, amolo obligas.

Aliter aedinam sive agninam excaldatam: agnina cruda trituram mortari accipere debet, caprina autem cum coquitur accipit trituram.

Aedum sive agnum assum: [aedi cocturam] ubi cum ex liquamine et oleo coxeris, incisum infundes in pipere, lasare, liquamine, oleo modico et in craticula assabis. eodem iure continges. piper aspargis et inferes.

Aliter aedum sive agnum assum: piperis semunciam, asareos scripulos VI. gingiberis modicum, petrosilini scripulos VI. lasaris modicum, liquaminis optimi eminam, olei acetabulum.

Aedus sive agnus siringianus id est mammocoetis: exossatur diligenter, a gula, sic ut uter fiat et intestina ei integra exinaniantur, ita ut in caput in intestina suffletur et per novissimam partem stercus exinanibitur. aqua lavantur diligenter. et sic inplentur admixto liquamine et ob umores consuitur et mittitur in clibanum. cum coctus fuerit, perfunditur ius bulliens: lacte piper tritum, liquamen, caroenum, defrictum modicum, sic et oleum et iam bullienti mittis amolum vel certe mittitur in reticulo vel in sportella, et diligenter constringitur et bullienti zemae cum modico salis submittitur. cum bene illic tres undas bullierit, levatur et denuo bullit cum umore supra scripto. bulliente conditura perfunditur.

Aliter aedus sive agnus siringianus: lactis sextarium unum, mellis unc. IV. piperis unc. I. salis modicum, lasaris modicum. Ius in ipsius: olei acetabulum, liquaminis acetabulum, mellis acetabulum, dactilos tritos VIII. vini boni eminam, amolum modice.

Aedum sive agnum crudum: oleo, pipere fricabis et asparges foris salem purum multo cum coriandri semine. in furnum mittis. assatum inferes.

Aedum sive agnum tarpeianum: antequam coquatur, ornatus consuitur. piper, rutam, satureiam, cepam, timum modicum et liquamine. collues aedum, macerabis in furno aut in patella quae oleum habeat. cum percoxerit, perfundes in patella inpensam: teres satureiam, cepam, rutam, dactilos, vinum, caroenum, oleum. cum bene duxerit inpensam, in disco pones, piper aspargis et inferes.

Aedum sive agnum particum: mittes in furnum. teres piper, rutam, cepam, satureiam, damascena nucleata, lasaris modicum vivi, liquamen et vinum. fervens colluitur in disco, ex aceto sumitur.

Aedum laureum ex lacte: aedum curas, exossas, interanea eius cum coagulo tolles, lavas. adicies in mortarium piper, ligisticum, lasaris radicem, lauri bacas duas, piretri modicum, cerebella duo vel tria. haec omnia teres, suffundes liquamen, temperabis ex sale. super trituram colas lactis sextarios duos, mellis ligulas duas. hac inpensa intestina reples et super aedum conponis in giro et omento carta coperies, surclas. in caccabum vel patellam conpones aedum, adicies liquamen, oleum, vinum. cum ad mediam cocturam venerit, teres piper, ligisticum et ius de suo sibi suffundes, mittes defrictum modicum, teres, reexinanies in capsum. cum percoctus fuerit, exoneras, amolo obligas et inferes.

Agnum simplice: de agno decoriato facies copadia, lavabis, diligenter mittes in caccabum, adicies oleum, liquamen, vinum, porrum, coriandrum cultro concisum. cum bullire coeperit, cepa ius agitabis et inferes.

Aedum lasaratum: aedi intestinis bene purgatis inples, piper, liquamen, lasar, oleum et intra aedum mittes et bene consues et cum aedo simul coquuntur. et cum decoxerit, adicies in mortarium rutam, bacam lauri et levato adque exiccato aedo ipso iure perfundis et sic ponis.

Porcellum farsilem duobus generibus: curas, a gutture extenteras, [a cervice] ornas. antequam praedures, subaperies auriculam subcaute, mittes inpensam terentinam in vesicam bubulam, exin fistulam aviarii rostro vesicae alligabis, per quam exprimes in aurem quantum ceperit, postea carta praecludes et infiblabis et praeparabis aliam inpensam, sic facies: teres piper, ligisticum, origanum, lasaris radicem modicum, suffundes liquamen, adicies cerebella cocta, ova cruda, alicam coctam, ius de suo sibi, si fuerit aucellas, nucleos, piper integrum, liquamine temperas. inples porcellum, carta obducas et fiblas. mitte sis in furnum. cum coctus fuerit, exoneras, perunguis et inferes.

Aliter porcellum: salem, ciminum, lasar, liquaminatum de porcello eicis utriculum ita ut aliquae pulpae in eo remaneant. teres piper, ligisticum, origanum, suffundes liquamen, adicies unum cerebellum, ova dua. misces in se. porcellum praeduratum inples, fiblabis. in sportella ferventi ollae summittis. cocto fiblas tolles ut ius ex ipso manere possit. pipere asparsum inferes.

Porcellum elixum farsilem: de porcello utriculum eicies, praeduras teres piper, ligisticum, origanum, suffundes liquamen, cerebella cocta quod satis sit, similiter ova dissolves, liquamine temperabis. farcimina cocta integra praecides, sed ante porcellum praeduratum liquaminato lavas, deinde inples, infiblas, in sportella ferventi ollae summittis. coctum spongizas, sine pipere inferes.

Porcellum assum tractomelinum: porcellum curatum a gutture extenteras, siccas. teres piperis unciam, mel, vinum. inpones ut ferveat. tractam siccatam confringes et partibus caccabo permisces, agitabis surculo lauri viridis, tam diu coques, donec levis fiat et inpinguet. hac inpensa porcellum inples, surclas, obducas carta, in furnum mittis. exornas et inferes.

Porcellum lacte pastum, elixum, calidum iure [frigidum] crudo apiciano: adicies in mortarium piper, ligisticum, coriandri semen, mentam, rutam, fricabis, suffundes liquamen, adicies mel, vinum et liquamen et porcellum elixum ferventem, savano mundo siccatum perfundes et inferes.

Porcellum vitellianum: porcellum ornas quasi aprum, sale asparges, in furno assas. adicies in mortarium piper, ligisticum, suffundes liquamen, vino et passo temperabis. in caccabum olei pusillum. ferveat. et porcellum assum iure asparges ita ut sub cute eius recipiat.

Porcellum flaccianum: porcellum ornas in modum apri, sale asparges et in furnum mittes. dum coquitur, adicies in mortarium. piper, ligisticum, careum, api semen, lasaris radicem, rutam viridem, fricabis, suffundes liquamen, vino et passo temperabis. in caccabum olei modicum. ferveat, amolo obligas. porcellum coctum ab ossibus tanges — api semen teres ita ut fiat pulvis — aspargis et inferes.

Porcellum laureatum: porcellum exossas, quasi oenogaratum ornas, praeduras. laurum viridem in medio frangis satis. in furnum, assas. et mittes in mortarium piper, ligisticum, careum, api semen, lasaris radicem, bacas lauri, fricabis, suffundes liquamen et vino et passo temperabis. adicies in caccabum olei modicum et ferveat. obligas. porcellum lauro eximes et ius ab osse tanges et inferes.

Porcellum frontonianum: exossas, praeduras, ornas. adicies in caccabum liquamen, vinum, alligas fasciculum porri, aneti, media coctura mittes defrictum. coctum lavas et siccum mittes. piper aspargis et inferes.

Porcellum aeno coctum: porcellum praeduras, ornas, adicies in caccabum oleum, liquamen, vinum, aquam, alligas fasciculum porri, coriandri, media coctura colorabis defricto. adicies in mortarium piper, ligisticum, careum, origanum, api semen, lasaris radicem, fricabis, suffundes liquamen, ius de suo sibi, vino et passo temperabis. exinanies in caccabum, facies ut ferveat. cum fervuerit, amolo obligas. porcellum conpositum in patina perfundes, piper aspargis et inferes.

Porcellum celsinianum: ornas, infundes pipere, ruta, cepa, satureia, cucito suco et ova infundes per auriculam. et ex pipere, liquamine, vino modico. in acetabulum temperas et sumes.

Porcellum assum: teres piper, rutam, satureiam, cepam, ovorum coctorum media, liquamen, vinum, oleum, conditum. bulliat. conditura porcellum in boletari perfundes et inferes.

Porcellum horreolanum: porcellus exossatur, per gulam in modum utris. mittitur in eum pullus esiciatus particulatim concisus, turdi, ficetulae, isicia de pulpa sua, lucanicae, dactili exossati, fabriles bulbi, cocleae exemptae, malvae, betae, porri, apium, coliculi elixi, coriandrum, piper integrum, nuclei, ova quindecim superinfunduntur, liquamen piperatum, uva mittuntur. trica. et consuitur et praeduratur, in furno assatur. deinde a dorso scinditur et iure hoc perfunditur: piper teritur, ruta, liquamen, passum, mel, oleum modicum. cum bullierit, amolum mittitur.

Ius frigidum in porcellum inelixum ita facies: teres piper, careum, anetum, origanum modicum, nucleos pineos, suffundes acetum, liquamen, cariotum, mel, senape factum, superstillabis oleum, piper aspargis et inferes.

Porcellum taricanum sic facies: exossas porcellum et aptabis sicuti aeno coctum et ad fumum suspendes, sed perpendas et quantum appendeas tantum salis. in ollam mittes et elixas ut coquatur et sic eum in lance efferes salso recente.

In porcello lactente: piperis unc. I. vini eminam, olei optimi acetabulum, aceti acetabulum minus.

Porcellum coriandratum: assas porcellum diligenter. facies mortarium siccum in quo teres piper, anetum, origanum, coriandrum viride admisces, mel, vinum, liquamen, oleum, acetum, defrictum. haec omnia calefacta perfundes et aspargis uvam passam, nucleos pineos et cepam concisam et sic inferes.

Porcellum aeno coctum: porcellum accipies, ornabis, coques in oleo et liquamine. cum coquitur, adicies in mortarium piper, rutam, bacam lauri, liquamen, passum sive caroenum, vinum vetus, simul omnia teres, temperas et traicies in patinam aeneam. mittis eum.

Porcellum eo iure: percoques. cum autem levas, amolo obligabis et sic in vas transferes et inferes.

Porcellum timo sparsum: porcellum lactentem pridie occisum elixas sale et aneto et in aqua frigida assidue intingis ut candorem habeat. deinde condimenta viridia timum, puleium modicum, ova dura, cepam concisam minutatim, ea omnia superspargis et condis liquaminis emina una, olei pondo uno, passi pondo uno et sic ministras.

Porcellum oxizomum: porcellum accuratum ornabis et mittis in iuscellum sic conditum: adicies in mortarium piperis grana L. mellis quantum conpetat, cepas siccas III. coriandri viridis sive sicci modicum, liquaminis eminam, olei (??) I. aquae eminam I. simul temperas in caccabulo. mittis in eo porcellum. dum bullire coeperit, coeperit, cepa ius agitabis ut spissum fiat. si aliquid minus iuris facere coeperit, tunc adicies eminam I. aquae. sic percoques et sic porcellum inferes.

Porcellum lasaratum: teres in mortario piper, ligisticum, careum, misces ciminum paululum, lasar vivum, [lasaris radicem,] suffundis acetum, addis nucleos pineos, cariotam, mel, acetum, liquamen, senape factum. oleo omnia temperas et perfundis.

Porcellum iuscellatum: mittis in mortarium piper, ligisticum aut anetum, coriandrum, rutam, bacam lauri, fricabis, suffundis liquamen, porro passi sive mellis modicum, vinum modicum, olei aliquantum. cum coxeris, amolo obligabis.

Leporem acidum: in aqua praecoquitur modice, deinde conponitur in patina coquendus oleo in furno et cum prope sit coctus ex alio oleo, pertangito de conditura infra scripta: teres piper, satureiam, cepam, rutam, api semen, liquamen, lasar, vinum et modicum olei. aliquotiens versatur, in ipsa percoquitur conditura.

Item aliam ad eum inpensam, cum prope tolli debeat: teres piper, dactilum, lasar, uvam passam, caroenum, liquamen, oleum. suffundes et cum bullierit, piper aspargis et inferes.

Leporem farsum: nucleos integros, amigdala, nuces sive glandes concisas, piperis grana solida, pulpam de ipso lepore et ovis fractis obligatur. tegitur omento porcino. in furno. sic iterum inpensam facies: rutam, piper, satiniam cepam, satureiam, dactilum, lasar, liquamen, caroenum vel conditum. diu conbulliat donec spisset et sic perfunditur. sed lepus in piperato liquamine et lasare maneat.

Ius album in assum leporem: piper, ligisticum, ciminum, api semen, ovi duri medium. trituram colliges et facies globum extra. in caccabulo coques liquamen, vinum, oleum, acetum, modico cepullam concisam, postea globulum condimentum mittes et agitabis origano vel satureia, si opus fuerit, amolas.

Aliter leporem: ex sanguine et iocinere et pulmonibus leporinis minutal: adicies in caccabum liquamen et oleum, coctura porrum et coriandrum minutatim concides, [iocinera et pulmones] in caccabum mittes. cum cocta fuerint, teres piper, ciminum, coriandrum, lasaris radicem, mentam, rutam, puleium, suffundes acetum, adicies iocinera leporum et sanguinem, teres, mel et de suo sibi, aceto temperabis, exinanies in caccabum, pulmones leporum minutatim concisos in eundem caccabum mittes. facies ut ferveat. cum fervuerit, amolo obligas, piper aspargis et inferes.

Aliter leporem ex suo iure: leporem curas, exossas, ornas, mittes in caccabum, adicies ex oleo liquamen, coctura fasciculum porri, coriandrum, anetum. dum coquitur, adicies in mortarium piper, ligisticum, ciminum, coriandri semen, lasaris radicem, cepam aridam, mentam, rutam, api semen, fricabis, suffundes liquamen, adicies melius ius de suo sibi, defricto, aceto temperabis. facies ut ferveat, cum fervuerit, amolo obligabis. exornas, ius perfundis, piper aspargis et inferes.

Leporem passenianum: leporem curas, exossas, extensum ornas, suspendes ad fumum. cum coloraverit, facies ut dimidia coctura coquatur. lavas, asparges salis massam. oenogaro tanges: adicies in mortarium piper, ligisticum, fricabis, suffundes liquamen, vinum et liquamine temperabis. in caccabum, adicies oleum modicum, facies ut ferveat. cum fervuerit, amolo obligas. leporem assum a dorso tangis, piper aspargis et inferes.

Leporem esiciatum: eadem coctura condies pulpam, nucleos infusos admisces, omento teges vel carta colliges laminas et surcula

Leporem farsilem: leporem curas, ornas, quadratum inponis. adicies in mortarium piper, ligisticum, origanum, suffundes liquamen. adicies iocinera gallinarum cocta, cerebella cocta, pulpam concisam, ova cruda tria, liquamine temperabis. omento teges et carta et surclas. lento igni subassas. adicies in mortarium piper, ligisticum, fricabis, suffundes liquamen, vino et liquamine temperabis. facies ut ferveat. cum fervuerit, amolo obligas et leporem subassatum perfundes. piper aspargis et inferes.

Leporem aliter elixum: ornas, adicies in lance oleum, liquamen, acetum, passum, cepam concides et rutam viridem, timum subcultratum et sic apponis.

[Leporis conditura] teritur piper, ruta, cepulla, iocur leporis, liquamen, caroenum, passum, olei modicum, amolum cum bullit.

Leporem sicco sparsum. et hunc praecondies sicut aedum tarpeianum, antequam coquatur, ornatus suitur. piper, rutam, satureiam, cepam, timum modicum, liquamine collues, postea in furno coques et inpensam talem circumsparges: piperis semunciam, rutam, cepam, satureiam, dactilos IV. uvam passam iustam. caloratum super vatillum. vinum, oleum, liquamen, caroenum. frequenter tangitur ut condituram suam omnem tollat. postea ex pipere siccum in disco. sumitur.

Aliter leporem conditum: coques ex vino, liquamine, aqua. senape modicum, aneto, porro cum capillo suo. cum in se coxerit, condies: piper, satureiam, cepe rotundum, dactilos, damascena duo, vinum, liquamen, caroenum, olei modicum, stringatur amolo. modice bulliat. conditura lepus in patina perfunditur.

Glires. isicio porcino, item pulpis — ex omni membro glirium erit — trito cum pipere, nucleis, lasare, liquamine farcies glires et sutos in tegula positos mittes in furnum, aut farsos in clibano coques. Incipit Apici Caeli talassa.

Reader settings

Side Panel

Text SizeRelative to your text size
85%

Textual Aids

Touch Navigation