Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Apicius · De Re Coquinaria

Book 6

Text kindly provided by Perseus

In strutione elixo: piper, mentam, eiminum assum, api semen, daetilos vel cariotas, mel, acetum, passum, liquamen et oleum modice et in caccabum. facies ut bulliat. amolas et sic partes strutionis in lance perfundis et desuper piper aspargis. si autem in condituram coquere volueris, alicam addis. Aliter strutione elixo: piper, ligisticum, timum, timum aut satureiam, mel, senape, acetum, liquamen et oleum.

In grue vel anate, perdice, turture, palumbo, columbo et diversis avibus: gruem vel anatem lavas, ornas et includis in ollam, adicies aquam, salem, anetum dimidia coctura decoquis dum obduretur. levas et iterum in caccabum mittis cum oleo et liquamine, cum fasciculo origani et coriandri. prope cocturam defrictum modice mittis ut coloret. teres piper, ligisticum, ciminum, coriandrum, lasaris radicem, rutam, caroenum, mel, suffundis ius de suo sibi, aceto temperas. in caccabo reexinanies et calefiat, amolo obligabis. inponis in lance et ius perfundis.

In grue vel in anate vel in pullo: piper, cepam siccam, ligisticum, ciminum, api semen, pruna [vel] damascena enucleata, mustaceum, liqnamen, defrictum, oleum et coques.

Gruem dum coquis, caput eius aqua quam non tingat, sed sit foris. ad aequam cum cocta fuerit, de savano valido involves gruem et caput eius trahe cum nervis, sequetur ut pulpae vel ossa remaneant. cum nervis enim manducare non potest.

Aliter gruem vel anatem ex rapis: lavas, ornas et in olla elixabis cum aqua, sale et aneto dimidia coctura rapas coque, ut exbromari possint, levabis de olla. et interim lavabis. et in caccabum mittis anatem cum oleo et liquamine et fasciculo porri et coriandri. rapam lotam et minutatim concisam desuper mittis, facies ut coquatur, media coctura mittis defrictum ut coloret. ius tale parabis: piper, ciminum, coriandrum, lasaris radicem, suffundis acetum et ius de suo sibi. reexinanies super anatem et ferveat. cum fervuerit, amolo obligabis et super rapas adicies, piper aspargis et appones.

Aliter in gruem vel in anatem inelixam: piper, ligisticum, ciminum, coriandrum siccum, mentam, origanum, nucleos, cariotam, liquamen, oleum, mel, senape et vinum.

Aliter gruem vel anatem: assas. eas de hoc iure perfundis: teres piper, ligisticum, origanum, liquamen, mel, aceti modicum et olei. ferveat bene. mittis amolum et supra ius rotulas cucurbitae elixae vel colocasiae et bulliat. si sunt, et ungellas coques et iocinera pullorum. in boletari piper minutum aspargis et inferes.

Aliter in grue vel anate elixa: piper, ligisticum, api semen, erucam vel coriandrum, mentam, cariotam, mel, acetum, liquamen, defrictum et senape. idem facies et si in caccabo assas.

In perdice et attagena et in turture elixis: piper, ligisticum, api semen, mentam mirtae bacas vel uvam passam, mel, vinum, acetum, liquamen, oleum. uteris frigido.

Perdicem cum pluma sua elixas, ibi emadefactam depilabis. perduces coctura occisa. perdix potest ex iure coqui. non indurescat. si iterum fervuerit, elixa coqui debet.

In perdice et attagena et in turture: piper, ligisticum, mentam, rutae semen, liquamen, merum et oleum. calefacies.

In palumbis, columbis [avibus, in altile et in fenicoptero] in assis: piper, ligisticum, coriandrum, careum, cepam siccam, mentam, ovi vitellum, cariotam, mel, acetum, liquamen, oleum et vinum.

Aliter elixis: piper, careum, api semen, [petrosilinum] condimentum, hortariam, cariotam, mel, acetum, vinum et oleum modice et senape.

Aliter: piper, ligisticum, petrosilinum, api semen, rutam, nucleos, cariotam, mel, acetum, liquamen, senape et oleum modice.

Aliter: piper, ligisticum, lasar vivum, suffundis liquamine, vino et liquamine temperabis et mittis super columbum vel palumbum. pipere asparsum inferes.

Ius in diversis avibus: piper, ciminum frictum, ligisticum, mentam, uvam passam enucleatam aut damascena, mel modice. vino mirteo temperabis, aceto, liquamine et oleum. calefacies et agitabis apio et satureia.

Aliter ius in avibus: piper, ligisticum, petrosilinum, mentam siccam, cneci flores, vino suffundis, adicies ponticam vel amigdalam tostam, mel modicum, vino et aceto, liquamine temperabis. oleum in pultarium super ius mittis. calefacies, ius agitabis apio viridi et nepeta. incaraxas et perfundis.

Ius candidum in avem elixam: piper, ligisticum, ciminum, api semen, ponticam vel amigdalam tostam vel nuces depellatas, mel modicum, liquamen, acetum et oleum.

Ius viride in avibus: piper, careum spicam indicam, ciminum, folium, condimenta viridia, omne genus dactilum, mel, acetum, vinum modice, liquamen et oleum.

Ius candidum in ansere elixo: piper, careum, ciminum, api semen, timum, cepam, lasaris radicem, nucleos tostos, mel acetum, liquamen et oleum.

Ad aves virosas omni genere: piper, ligisticum, timum, mentam aridam, calvam, cariotam, mel, acetum, vinum, liquamen, oleum, defrictum, senape. Avem sapidiorem et altiliorem facies et ei pinguedinem servabis, si eam farina oleo subacta contextam in furnum miseris.

Aliter avem: in ventrem eius fractas olivas novas mittes et consutam sic elixabis. deinde coctas olivas eximes.

In fenicoptero: fenicopterum eliberas, lavas, ornas, includis in caccabum, adicies aquam, salem, anetum et aceti modicum, dimidia coctura alligas fasciculum porri et coriandri et coquatur. prope cocturam defrictum mittis, coloras. adicies in mortarium piper, ciminum, coriandrum, lasaris radicem, mentam, rutam, fricabis, suffundis acetum, adicies cariotam, ius de suo sibi perfundis. reexinanies in eundem caccabum, amolo obligas. ius perfundis et inferes. idem facies et in psittaco.

Aliter: assas avem. teres piper, ligisticum, api semen, sesamum frictum, petrosilinum, mentam, cepam siccam, cariotam melle, vino, liquamine, aceto, oleo et defricto temperabis.

Aves omnes ne liquescant, cum plumis elixato omnibus, melius erit prius si tamen extenterantur per guttur vel in ambicas sublatae.

Anserem elixum calidum ex iure frigido apiciano: teres piper, ligisticum, coriandri semen, mentam, rutam, refundis liquamen et oleum modice, temperas. anserem elixum ferventem savano mundo exiccabis, ius perfundis et inferes.

In pullo elixo ius crudum: adicies in mortarium aneti semen, mentam siccam, lasaris radicem, suffundes acetum, adicies cariotam, refundes liquamen, senapis modicum et oleum, defricto temperabis et sic mittis.

Pullum anetatum mellis modice, liquamine temperabis. levas pullum coctum et savano mundo siccas, caraxas et ius scissuris infundis ut conbibat et cum conbiberit assabis et suo sibi iure pennis tangis. pipere asparsum inferes.

Pullum particum: pullum aperies a navi et in quadrato ornas. teres piper, ligisticum carei modicum, suffundis liquamen, vino temperas. conponis in cumana pullum et condituram super pullum facies: lasar ex vino interim radas, dissolvis et in pullum mittis. simul et coques. pipere asparsum inferes.

Pullum oxizomum: olei acetarium maiorem, satis modico liquaminis acetabulum minorem, aceti acetabulum perquam minorem, piperis scripulos VI. petrosilini scripulum, porri fasciculum.

Pullum numidum: pullum curas, elixas, lavas, lasaras, piperas, exassas. teres piper, ciminum, coriandri semen, lasaris radicem, rutam, cariotam, nucleos, suffundis acetum, mel, liquamen et oleum, temperabis. cum fervuerit, amolo obligas. pullum perfundis. piper aspargis et inferes.

Pullum lasaratum: pullum aperies a navi, lavabis, ornabis et in cumana pones. teres piper, ligisticum, lasar vivum, suffundis liquamen. vino et liquamine temperabis et mittis pullo. coetus si fuerit, pipere asparsum inferes.

Pullum paroptum: lasaris modicum, piperis scripulos VI. olei acetabulum, liquaminis acetabulnm, petrosilini modicum.

Pullum elixum ex iure suo: teres piper, ciminum, timi modicum, feniculi semen, mentam, rutam, lasaris radicem, suffundis acetum, adicies cariotam et teres melle, aceto, liquamine ex oleo temperabis. pullum refrigeratum et mittis siccatum, quem perfusum inferes.

Pullum elixum cum cucurbitis elixis: iure supra scripto addito senapi perfundis et inferes.

Pullum elixum cum colocasiis elixis: supra scripto iure perfundis et inferes.

[Facit et in alica et in olivis columbadibus non valde, ita ut laxamentum habeat, ne dissiliat dum coquitur in ollam submissus in sportellam. cum bullierit, frequenter levas et ponis ne dissiliat.]

Pullum varianum: pullum coques iure hoc: liquamine, oleo, vino, fasciculum porri, coriandri, satureiae. cum coctus fuerit, teres piper, nucleos. ciatos duos et ius de suo sibi suffundis — et fasciculos proicies — lac, temperas. et reexinanies mortarium supra pullum et ferveat. obligas eundem albamentis ovorum tribus. ponis in lance et iure supra scripto perfundis. hoc ius candidum appellatur.

Pullum frontonianum: pullum praedura, condies liquamine oleo mixto, cui mittis fasciculum aneti, porri, satureiae et coriandri viridis et coques. ubi coctus fuerit, lavabis eum, in lance defricto perungues, piper aspargis et inferes.

Pullum tractogalatum: pullum coques liquamine, oleo, vino, cui mittis fasciculum coriandri, cepam. deinde cum coctus fuerit, levabis eum de iure suo et mittis in caccabum novum lac et salem modicum, mel et aquae eminam [id est tertiam partem]. ponis ad ignem lentum ut tepescat. tractum confringis et mittis paulatim, assidue agitas ne uratur. pullum illic mittis integrum vel carptum. versabis in lance, quem perfundis. ius tale: piper, ligisticum, origanum, suffundis mel et defrictum modicum et ius de suo sibi. temperas. in caccabulo facies ut bulliat. cum bullierit, amolo obligas et inferes.

Pullum sicut alicam coque. caminatum a cervice expedies. teres piper, ligisticum, gingiber, pulpam caesam, alicam elixam, teres cerebellum ex iure coctum, ova confringis et conmiscis ut unum corpus efficias, liquamine temperas et oleum modice mittis, piper integrum, nucleos abundanter. fac in pensam et inples pullum vel porcellum [gap]

similiter in capso facies. ossibus coniectis coques — accipies palmulum et oneras ut supra operies illum a pectore.

Pullus eleozomus accipiat aquam et oleum spanum abundans. agitatur ut ex se ambulet et umorem consumat. postea cum coctus fuerit, quodcunque porro remanserit inde lavas. piper aspargis et inferes.

Turdos aponto moenos: teres piper, lasar, bacam lauri, admisces comino garum et sic turdos per guttur inples et filo ligabis. et facies eis inpensam in qua decoquantur, quae habeat oleum, sales, aquam, anetum et capita porrorum.

Turtures: aperies, onerabis diligenter. teres piper, lasar, liquamen modicum. infundis ipsos turtures ut conbibant sicci et sic assas.

Ius in perdices: teres in mortario piper, apium, mentam et rutam, suffundis acetum, addis cariotam, mel acoetum, liquamen, oleum. simul coques et inferes. Incipit Apici Caeli politeles.

Reader settings

Side Panel

Text SizeRelative to your text size
85%

Textual Aids

Touch Navigation