90 P.L.M. Sic contra rerum naturae munera notae corvus maturis frugibus ova refert. Sic format lingua fetum cum protulit ursa et piscis nullo iunctus amore parit. Sic Phoebea chelys nutu[1] resoluta parentis Lucinae tepidis naribus ova fovet. Sic sine concubitu textis apis excita ceris fervet et audaci milite castra replet. Non uno contenta valet natura tenore, sed permutatas gaudet habere vices.