Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Publius Terentius Afer (Terence) · Andria

Act 3, Scene 1

Text kindly provided by Perseus

(MYSIS. SIMO. DAVUS. LESBIA. GLYCERIUM.)
MYSIS
Ita pol quidem res est ut dixti Lesbia:
Fidelem haud ferme mulieri invenias virum.
SIMO
Ab Andria est ancilla haec.
DAVUS
Quid narras?
SIMO
Ita est.
MYSIS
Sed hic Pamphilus—
SIMO
Quid dicit?
MYSIS
firmavit fidem.
SIMO
DAVUS
Utinam aut hic surdus aut haec muta facta sit.
MYSIS
Nam quod peperisset iussit tolli.
SIMO
O Iupiter!
Quid ego audio? Actum est siquidem haec vera praedicat.
LESBIA
Bonum ingenium narras adolescentis.
MYSIS
Optimum.
Sed sequere me intro, ne in mora illi sis.
LESBIA
Sequor.
DAVUS
Quod remedium nunc huic malo inveniam?
SIMO
Quid hoc?
Adeone est demens? Ex peregrina? Iam scio; ah!
Vix tandem sensi stolidus.
DAVUS
Quid hic sensisse ait?
SIMO
Haec primum adfertur iam mihi ab hoc fallacia:
Hanc simulant parere quo Chremetem absterreant.
GLYCERIUM
“Iuno Lucina fer opem, serva me, obsecro.”
SIMO
Hui tam cito? ridiculum: postquam ante ostium
Me audivit stare approperat. Non sat commode
Divisa sunt temporibus tibi, Dave, haec.
DAVUS
Mihin?
SIMO
Num immemor es discipuli?
DAVUS
Ego quid narres nescio.
SIMO
Hicine me si imparatum in veris nuptiis
Adortus esset quos mihi ludos redderet?
Nunc huius periclo fit, ego in portu navigo.

Reader settings

Side Panel

Text SizeRelative to your text size
85%

Textual Aids

Touch Navigation