Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Publius Terentius Afer (Terence) · Andria

Act 2, Scene 5

Text kindly provided by Perseus

(BYRRHIA. SIMO. DAVUS. PAMPHILUS.)
BYRRHIA
Herus me relictis rebus iussit Pamphilum
Hodie observare, ut quid ageret de nuptiis
Scirem: id propterea nunc hunc venientem sequor.
Ipsum adeo praesto video cum Davo: hoc agam.
SIMO
Utrumque adesse video.
DAVUS
Hem, serva.
SIMO
Pamphile!
DAVUS
Quasi de inproviso respice ad eum.
PAMPHILUS
Ehem pater.
DAVUS
Probe.
SIMO
Hodie uxorem ducas ut dixi volo.
BYRRHIA
Nunc nostrae timeo parti quid hic respondeat.
PAMPHILUS
Neque istic neque alibi tibi erit usquam in me mora.
BYRRHIA
DAVUS
Obmutuit.
BYRRHIA
Quid dixit?
SIMO
Facis ut te decet
Cum istuc quod postulo impetro cum gratia.
DAVUS
Sum verus?
BYRRHIA
Herus, quantum audio, uxore excidit.
SIMO
I nunc iam intro; ne in mora cum opus sit sies.
PAMPHILUS
BYRRHIA
Nullane in re esse homini cuiquam fidem?
Verum illud verbum est, vulgo quod dici solet,
Omnes sibi malle melius esse quam alteri.
Ego illam vidi virginem; forma bona
Memini videre: quo aequior sum Pamphilo,
Si se illam in somnis quam illum amplecti maluit.
Renuntiabo, ut pro hoc malo mihi det malum.

Reader settings

Side Panel

Text SizeRelative to your text size
85%

Textual Aids

Touch Navigation