Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
T. Maccius Plautus · Mercator

Act 4, Scene 1

Text kindly provided by Perseus

Dorippa
Quoniam a viro ad me rus advenit nuntius,
rus non iturum, feci ego ingenium meum,
reveni, ut illum persequar qui me fugit.
sed anum non video consequi nostram Syram.
atque eccam incedit tandem. quin is ocius?
Syra
nequeo mecastor, tantum hoc onerist quod fero.
Dorippa
Quid oneris?
Syra
Annos octoginta et quattuor;
et eodem accedit servitus, sudor, sitis:
simul haec quae porto deprimunt.
Dorippa
Aliquid cedo
qui hánc vicini nostri áram augeam.
da sane hanc virgam lauri. abi tu intro.
Syra
Eo.—
Dorippa
Apollo, quaeso te, ut des pacem propitius,
salutem et sanitatem nostrae familiae,
meoque ut parcas gnato pace propitius.
Syra
Disperii, perii misera, vae miserae mihi.
Dorippa
Satin tu sana es, obsecro? quid eiulas?
Syra
Dorippa, mea Dorippa.
Dorippa
Quid clamas, obsecro?
Syra
Nescio quaest mulier intus hic in aedibus.
Dorippa
Quid, mulier?
Syra
Mulier meretrix.
Dorippa
Veron serio?
Syra
Nimium scis sapere, ruri quae non manseris.
quamvis insipiens poterat persentiscere
[gap]
illam esse amicam tui viri bellissumi.
Dorippa
Credo mecastor.
Syra
Ei hac mecum, ut videas semul
tuam Alcumenam paelicem, Iuno mea.—
Dorippa
Ecastor vero istuc eo quantum potest.—

Reader settings

Side Panel

Text SizeRelative to your text size
85%

Textual Aids

Touch Navigation