Olympio
Neque quó fugiam neque ubí lateam neque hoc dédecus quo modo célem
scio, tántum erus atque ego flágitio superávimus nuptiis nóstris,
ita núnc pudeo atque ita núnc paveo atque ita inrídiculo sumus ámbo.
sed ego ínsipiens nova núnc facio: pudet quém prius non puditum úmquamst.
operám date, dum mea fácta itero: est operaé pretium auribus áccipere,
ita rídicula auditu, íteratu ea súnt quae ego intus túrbavi.
ubi intro hánc novam nuptam déduxi, rectá via in conclave ábduxi.
sed ténebrae ibi erant tamquam ín puteo; dum sénex abest “decumbe” ínquam.
cónloco fúlcio móllio blándior,
út prior quám senex núptias pérpetrem.
tárdus esse ílico coépi, quoniam [gap]
respecto identidem, ne senex [gap]
inlecebram stupri principio eam savium posco,
réppulit míhi manum, néque enim dare sibi sávium me sivit.
enim iám magis adproperó, magis iam libet ín Casinam inruere [gap]
cupio íllam operam seni súrripere, forem óbdo, ne senex me ópprimeret.
Myrrhina
Ágedum, tuadi hunc.
Cleostrata
Ópsecro, ubi túa nova núptast?
Olympio
Perii hércle ego, manifésta res.
Cleostrata
Omnem órdine rem
fatéri ergo aequom est. quíd intus agitur? quíd agit Casina?
satin mórigera est?
Olympio
Pudet dícere.
Cleostrata
Memora órdine, ut occéperas.
Olympio
Pudet hércle.
Cleostrata
Age audacter [gap]
postquám decubuisti, índe volo memoráre quid est factum [gap]
Olympio
[gap] flagitium est.
Cleostrata
Cavebunt qui audierint. faciant [gap]
Olympio
[gap] hoc magnus est.
Cleostrata
Perdis. quin tu pergis?
Olympio
Vbi
[gap] us suptus porro [gap]
Cleostrata
Quid?
Olympio
Babae.
Cleostrata
Quid?
Olympio
Papae.
Cleostrata
[gap] est?
Olympio
Oh, erat maximum.
[gap] ferrum ne haberet metui: id quaerere occepi [gap]
dum gladium quaero, [gap] ne habeat, arripio capulum.
séd cum cogitó, non habuit gládium, nam esset frígidus.
Cleostrata
Éloquere.
Olympio
At pudét.
Cleostrata
Num radix fúit,
Olympio
Non fuít.
Cleostrata
Num cucumis?
Olympio
Profecto hercle [gap] non fuit quicquam holerum,
nisí, quidquid erat, cálamitas profécto attigerat númquam.
íta, quidquid erat, grande erat.
Myrrhina
Quíd fit denique? edisserta.
Olympio
Vbi appello Casinam, †inquit
“amábo, mea uxórcula, cur vírum tuom sic me spérnis?
nimis tú quidem hercle immérito
meó mi haec facís, quia mihí te expetívi.”
ílla haud verbum fácit et saepit véste id qui estis múlieres.
úbi illum saltum vídeo opsaeptum, rógo ut alteró sinat ire.
volo, ut obvertam, cubitis im [gap]
ullum muttit e [gap]
surgo, ut in eam in [gap]
atque illam in [gap]
Myrrhina
Perlepide narrat [gap]
Olympio
Savium [gap]
itá quasi saetis lábra mihi compúngit barba,
contínuo in genua ut ástiti, pectús mihi pedibus pércutit.
decído de lecto praécipes: subsílit, optundit ós mihi.
indé foras tacitus prófugiens exeo hóc ornatu quó vides,
ut sénex hoc eodem póculo, quo egó bibi, biberet.
Cleostrata
Óptume est.
séd ubi est palliolúm tuom?
Olympio
Hic íntus relíqui.
Cleostrata
Quid núnc? satin lepide adita est vobís manus?
Olympio
Mérito.
séd concrepuerúnt fores. num illa mé nunc séquitur?