Servius ad Vergili Aen. III 57:auri sacra fames sacra id
est execrabilis. Tractus est autem sermo ex more Gallorum. Nam Massilienses quotiens
pestilentia laborabant, unus se ex pauperibus offerebat alendus anno integro
publicis sumptibus et purioribus cibis. Hic postea ornatus
verbenis et vestibus sacris circumducebatur per totam civitatem cum exsecrationibus,
ut in ipsum reciderent mala totius civitatis, et sic proiciebatur. Hoc autem in
Petronio lectum est