Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Poem 1§ 1 Poem 2§ 2 Poem 3§ 3 Poem 4§ 4 Poem 5§ 5 Poem 6§ 6 Poem 7§ 7 Poem 8§ 8 Poem 9§ 9 Poem 10§ 10 Poem 11§ 11 Poem 12§ 12 Poem 13§ 13 Poem 14§ 14 Poem 14a§ 14a Poem 15§ 15 Poem 16§ 16 Poem 17§ 17 Poem 21§ 21 Poem 22§ 22 Poem 23§ 23 Poem 24§ 24 Poem 25§ 25 Poem 26§ 26 Poem 27§ 27 Poem 28§ 28 Poem 29§ 29 Poem 30§ 30 Poem 31§ 31 Poem 32§ 32 Poem 33§ 33 Poem 34§ 34 Poem 35§ 35 Poem 36§ 36 Poem 37§ 37 Poem 38§ 38 Poem 39§ 39 Poem 40§ 40 Poem 41§ 41 Poem 42§ 42 Poem 43§ 43 Poem 44§ 44 Poem 45§ 45 Poem 46§ 46 Poem 47§ 47 Poem 48§ 48 Poem 49§ 49 Poem 50§ 50 Poem 51§ 51 Poem 52§ 52 Poem 53§ 53 Poem 54§ 54 Poem 55§ 55 Poem 56§ 56 Poem 57§ 57 Poem 58§ 58 Poem 59§ 59 Poem 60§ 60 Poem 61§ 61 Poem 62§ 62 Poem 63§ 63 Poem 64§ 64 Poem 65§ 65 Poem 66§ 66 Poem 67§ 67 Poem 68§ 68 Poem 68a§ 68a Poem 69§ 69 Poem 70§ 70 Poem 71§ 71 Poem 72§ 72 Poem 73§ 73 Poem 74§ 74 Poem 75§ 75 Poem 76§ 76 Poem 77§ 77 Poem 78§ 78 Poem 79§ 79 Poem 80§ 80 Poem 81§ 81 Poem 82§ 82 Poem 83§ 83 Poem 84§ 84 Poem 85§ 85 Poem 86§ 86 Poem 87§ 87 Poem 88§ 88 Poem 89§ 89 Poem 90§ 90 Poem 91§ 91 Poem 92§ 92 Poem 93§ 93 Poem 94§ 94 Poem 95§ 95 Poem 96§ 96 Poem 97§ 97 Poem 98§ 98 Poem 99§ 99 Poem 100§ 100 Poem 101§ 101 Poem 102§ 102 Poem 103§ 103 Poem 104§ 104 Poem 105§ 105 Poem 106§ 106 Poem 107§ 107 Poem 108§ 108 Poem 109§ 109 Poem 110§ 110 Poem 111§ 111 Poem 112§ 112 Poem 113§ 113 Poem 114§ 114 Poem 115§ 115 Poem 116§ 116
C. Valerius Catullus · Carmina

Poem 62

Text kindly provided by Perseus

Youths

Vesper adest: iuvenes, consurgite: vesper Olympo
exspectata diu vix tandem lumina tollit.
surgere iam tempus, iam pinguis linquere mensas;
iam veniet virgo, iam dicetur hymenaeus.
Hymen O Hymenaee, Hymen ades O Hymenaee.

Maidens

cernitis, innuptae, iuvenes? consurgite contra:
nimirum Oetaeos ostendit Noctifer ignes.
sic certe est: viden ut perniciter exsiluere?
non temere exsiluere; canent quod vincere par est.
Hymen O Hymenaee, Hymen ades O Hymenaee.

Youths

non facilis nobis, aequales, palma parata est:
adspicite, innuptae secum ut meditata requirunt.
non frustra meditantur; habent memorabile quod sit.
nec mirum, penitus quae tota mente laborant.
nos alio mentes, alio divisimus aures:
iure igitur vincemur; amat victoria curam.
quare nunc animos saltem convertite vestros:
dicere iam incipient, iam respondere decebit.
Hymen o Hymenaee, Hymen ades o Hymenaee.

Maidens

Hespere, qui caelo fertur crudelior ignis?
qui natam possis complexu avellere matris,
complexu matris retinentem avellere natam
et iuveni ardenti castam donare puellam.
quid faciunt hostes capta crudelius urbe?
Hymen o Hymenaee, Hymen ades o Hymenaee.

Youths

Hespere, qui caelo lucet iucundior ignis?
qui desponsa tua firmes conubia flammma,
quae pepigere viri, pepigerunt ante parentes,
nec iunxere prius quam se tuus extulit ardor.
quid datur a divis felici optatius hora?
Hymen o Hymenaee, Hymen ades o Hymenaee.

Maidens

Hesperus e nobis, aequales, abstulit unam
[gap]

Youths

namque tuo adventu vigilat custodia semper.
nocte latent fures, quos idem saepe revertens,
Hespere, mutato comprendis nomine eosdem.
at libet innuptis ficto te carpere questu.
quid tum, si carpunt tacita quem mente requirunt?
Hymen o Hymenaee, Hymen ades o Hymenaee.

Maidens

ut flos in saeptis secretus nascitur hortis,
ignotus pecori, nullo convulsus aratro,
quem mulcent aurae, firmat sol, educat imber,
multi illum pueri, multae optavere puellae;
idem cum tenui carptus defloruit ungui,
nulli illum pueri, nullae optavere puellae:
sic virgo, dum intacta manet, dum cara suis est;
cum castum amisit polluto corpore florem,
nec pueris iucunda manet nec cara puellis.
Hymen o Hymenaee, Hymen ades o Hymenaee.

Youths

ut vidua in nudo vitis quae nascitur arvo
nunquam se extollit, nunquam mitem educat uvam,
sed tenerum prono deflectens pondere corpus
iam iam contingit summum radice flagellum,
hanc nulli agricolae, nulli accoluere iuvenci;
at si forte eadem est ulmo coniuncta marito,
multi illam agricolae, multi accoluere iuvenci:
sic virgo, dum intacta manet, dum inculta senescit;
cum par conubium maturo tempore adepta est,
cara viro magis et minus est invisa parenti.

Youths and Maidens

et tu ne pugna cum tali coniuge, virgo.
non aequum est pugnare, pater cui tradidit ipse,
ipse pater cum matre, quibus parere necesse est.
virginitas non tota tua est, ex parte parentum est:
tertia pars patri, pars est data tertia matri,
tertia sola tua est.noli pugnare duobus,
qui genero sua iura simul cum dote dederunt.
Hymen o Hymenaee, Hymen ades o Hymenaee.

Reader settings

Side Panel

Text SizeRelative to your text size
85%

Textual Aids

Touch Navigation