Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Poem 1§ 1 Poem 2§ 2 Poem 3§ 3 Poem 4§ 4 Poem 5§ 5 Poem 6§ 6 Poem 7§ 7 Poem 8§ 8
Ausonius, Decimus Magnus · Ephemeris id est totius diei negotium

Poem 7

Text kindly provided by Perseus

VII.-IN NOTARIUM IN SCRIBENDO VELOCISSIMUM

Puer, notarum praepetum
sollers minister, advola,
bipatens pugillar expedi,
cui multa fandi copia,
punctis peracta singulis,
ut una vox absolvitur.
ego volvo libros uberes
instarque densae grandinis
torrente lingua perstrepo:
tibi nec aures ambigunt,
nec occupatur pagina
et mota parce dextera
volat per aequor cereum.
cum maxime nunc proloquor
circumloquentis ambitu,
tu sensa nostri pectoris
vix dicta iam ceris tenes,
sentire tam velox mihi
vellem dedisset mens mea,
quam praepetis dextrae fuga
tu me loquentem praevenis.
Quis, quaeso, quis me prodidit?
quis ista iam dixit tibi,
quae cogitabam dicere?
quae furta corde in intimo
exercet ales dextera?
quis ordo rerum tam novus,
veniat in aures ut tuas,
quod lingua nondum absolverit?
doctrina non hoc praestitit
nec ulla tam velox manus
celeripedis compendii:
natura munus hoc tibi
deusque donum tradidit,
quae loquerer, ut scires prius
idemque velles, quod volo.

Reader settings

Side Panel

Text SizeRelative to your text size
85%

Textual Aids

Touch Navigation