Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Lines 1–25§ 1
Appendix Vergiliana · De Est et Non

Lines 1–25

Text kindly provided by Perseus

De Est et Non

Est et Non cuncti monosyllaba nota frequentant.

his demptis nihil est hominum quod sermo uolutet.

omnia in his et ab his sunt omnia, siue negoti

siue oti quicquam est, seu turbida siue quieta.

alterutro pariter nonnumquam, saepe seorsis

obsistunt studiis, ut mores ingeniumque

et facilis uel difficilis contentio nata est.

si consentitur, mora nulla, interuenit 'Est, est'.

sin controuersum, dissensio subiciet 'Non'.

hinc fora dissultant clamoribus, hinc furiosi

iurgia sunt circi, cuneati hinc tanta theatri

seditio et talis agitat quoque curia lites.

coniugia et nati cum patribus ista quietis

uerba serunt studiis, salua pietate loquentes.

hinc etiam placidis schola consona disciplinis

dogmaticas agitat lento certamine lites.

hinc omnis certat dialectica turba sophorum.

lux est. estne dies ergo? non conuenit istuc.

nam facibus multis aut fulguribus quotiens lux

est nocturna homini, non est lux ista diei.

'Est' et 'Non' igitur quotiens lucem esse fatendum est,

sed non esse diem. mille hinc certamina surgunt.

hinc rauci multi, qui talia commeditantes

murmure concluso rabiosa silentia rodunt.

qualis uita hominum, duo quam monosyllaba uersant!

Reader settings

Side Panel

Text SizeRelative to your text size
85%

Textual Aids

Touch Navigation